რეგიონები

ბათუმში ღამის კლუბში გასროლის შედეგად პოლიციელი დაიჭრა

ბათუმში, კლუბ „სექტორში“, ცეცხლსასროლი იარაღიდან გასროლის შედეგად, პოლიციელი დაიჭრა.

ფატზე გამოძიება სისხლის სამართლის კოდექსის 118-ე მუხლით მიმდინარეობს, რაც ჯანმრთელობის განხზრახ მძიმე დაზიანებას გულისხმობს.

შემთხვევა წუხელ მოხდა.

რეფერალური საავადმყოფოს ემერჯენსის მორიგე ექიმის ინფორმაციით, კლინიკას დაახლოებით ღამის 04:00 საათზე, 23 წლის ახალგაზრდა მამაკაცმა ცეცხლსასროლი იარაღიდან მიყენებული ჭრილობით მიმართა.

''დაშავებულს გუმკერდისა და მუცლის არეში დაზიანებები აღენიშნებოდა. მედიკოსთა თქმით, მას შესაბამისი ლაბორატორიული და დიაგნოსტიკური კვლევები ჩაუტარდა. პაციენტი ქირურგიულ დეპარტამენტშია მოთავსებული. მისი ჯანმრთელობის მდგომარეობა დამაკმაყოფილებელია'', - ამბობს მედეა მიმინოშვილი.

თუმცა სასწრაფო დახმარების სამსახურში აცხადებენ, რომ დაჭრილი მამაკაცი, რომელიც პოლიციელის ფორმაში იყო უნივერსიტეტის მიმდებარე ტერიტორიიდან ბათუმის რესპუბლიკურ საავადმყოფოში გადაიყვანეს, რასაც სამედიცინო დაწესებულებაში არ ადასტურებენ.

კლინიკაში აცხადებენ, რომ სასწრაფო დახმარებამ აქ მხოლოდ ერთი მოქალაქე მიიყვანა, რომელიც მაშველებმა გადაარჩინეს და იგი ზღვიდან ამოიყვანეს. დაშავებული რეანიმაციაში, მართვით სუნთქვაზეა. აღნიშნულ ვერსიას ადასტურებენ სამაშველო სამსახურში.

ნინო ექვთიმიშვილი