რეგიონები

ბათუმში ძლიერმა ქარმა დევნილთა კორპუსს სახურავი ახადა

ბათუმში ღამის 12 საათზე ამოვარდნილმა ძლიერმა ქარმა ქალაქის ინფრასტრუქტურა დააზინა. ბენზეს დასახლებაში დევნილთა საცხოვრებელ კორპუსს ქარმა სახურავი გადახადა, რომელიც 4 მანქანას დაეცა, ორი მათგანი „ენერგო-პრო ჯორჯიას“ ეკუთვნის.

აიპი „ბათუმის კორპუსის” დირექტორის ზურაბ ნაკაიძის განცხადებით, უწყების წარმომადგენლები ქალაქში შექმნილ ვითარებას სწავლობენ.

„ქალაქის მასშტაბით შემოდის ზარები, პატარ-პატარა დაზიანებები, ასეთი მასშტაბური არაა [ როგორც დევნილთა დასახლებაში], ჩემი წარმომადგენლები მიდიან ყველა უბანში და სწავლობენ ვითარებას. მოგვიანებით უკეთ გვეცოდინება, რა ხდება ქალაქში“, - განუცხადა ნაკაიძემ „აჭარის ტელევიზიას“.

ზარალის სრული ოდენობაც ვითარების შესწავლის შემდეგ გახდება ცნობილი.

გარდა ამისი მაშველებმა ადიდებული მდინარე ჭოროხიდან 5 ადამიანი გამოიყვანეს.

ანა მებურიშვილი