რეგიონები

ბათუმში დღეს „ფერადი კონცერტები“ იწყება

დღეს, 20:00 საათზე, ბათუმში „ფერადი კონცერტები“ იწყება. სამი დღის განმავლობაში, საოცრებათა პარკში ბათუმელებსა და ქალაქის სტურებს საშუალება აქვთ ადგილობრივი და მოწვეული ბენდების კონცერტებს დაესწრონ.

აჭარის ა.რ. ტურიზმისა და კურორტების დეპარტამენტის ინფორმაციით, ხვალ კონცერტების პარალელურად საოცრებათა პარკში ფერების ფესტივალი გაიმართება, რომელშიც მონაწილეობა სამ წლამდე ბავშვების გარდა ნებისმიერ მსურველს შეუძლია.

საოცრებათა პარკში მისული სტუმრების განწყობაზე შემდეგი მუსიკალური ბენდები და დიჯეები იზრუნებენ: Black Sea, Sound Lab, Killages, Melomaniak, ASEA SOOL, MokuMoku, ლაშა გურული, ლაშა ბაბუაძე, Road Radio, Groovephonics, The Black Marrows, A2k, ZaZa. „ფერადი კონცერტები“ ბათუმში კვირას დასრულდება.