რეგიონები

ბათუმში 4 თვის ბავშვის მკვლელობისთვის ერთი პირი დააკავეს

ბათუმში დამამძიმებელ გარემოებებში განზრახ მკვლელობის ბრალდებით ერთი პირი დააკავეს.

გავრცელებული ინფორმაციით, მცირეწლოვანი ბავშვი ოჯახის ახლობელმა მოკლა. გარდაცვლილის ცხედარს ექსპერტიზა უტარდება.

მოკლული ბავშვი ბათუმში პოლიციის მე-7 განყოფილებასთან დატოვეს. სასწრაფო სამედიცინო დახმარების ცენტრის ხელმძღვანელის მი დია კახიძის ინფორმაციით, სწორედ პოლიციამ გამოიძახა სასწრაფო დახმარების ბრიგადა.

"სასწრაფოში დაზარალებულების მხრიდან გამოძახება არ დაფიქსირებულა, სასწრაფო დახმარების ბრიგადა პოლიციამ მე-7 განყოფილებაში გამოიძახა, სადაც დაღუპული ბავშვი სავარაუდოდ ოჯახმა მიიყვანა. მედიკოსებმა სიკვდილი დააფიქსირეს" - ამბობს კახიძე.

მისივე ინფორმაციით, ბავშვის გარეგნული დაზიანებები არ დაფიქსირებია, რამ გამოიწვია გარდაცვალება ექსპერტიზა დაადგენს.

შინაგან საქმეთა სამინისტროს ცნობით, დამამძიმებელ გარემოებაში ჩადენილი განზრახ მკვლელობის მუხლით (109-ე მუხლი) დაკავებულია ერთი მოქალაქე, რომელსაც 13-დან 17 წლამდე თავისუფლების აღკვეთას ემუქრება.