რეგიონები

ბათუმში 1 წლისა და 4 თვის ბავშვი ფანჯრიდან გადმოვარდა

ბათუმში, ლერმონტოვის ქუჩაზე საცხოვრებელი კორპუსის მეოთხე სართულიდან 1 წლისა და 4 თვის ბიჭი გადმოვარდა. ოჯახის ინფორმაციით, პატარა ფანჯრის რაფაზე ავიდა და წონასწორობა ვერ შეინარჩუნა. ინციდენტის დროს სახლში არასრულწლოვანის ბებია, ბაბუა და დედა იმყოფებოდნენ.

ადგილზე მისულ სასწრაფოს ბავშვი უკვე საავადმყოფოში გადაყვანილი დახვდა. ბავშვის მდგომარეობა საშუალო სიმძიმისაა, მის სიცოცხლეს საფრთხე არ ემუქრება. მას გამოკვლევები უტარდება.

ფაქტზე შინაგან საქმეთა სამინისტრომ დაიწყო გამოძიება სსკ-ის 124-ე მუხლით, რაც ჯანმრთელობის ნაკლებად მძიმე ან მძიმე დაზიანებას გულისხმობს გაუფრთხილებლობით, ისჯება ჯარიმით ან გამასწორებელი სამუშაოთი ვადით ორ წლამდე.