რეგიონები

ბათუმის საკრებულოს წევრი ზურაბ პატარაძეს და ბათუმის მერს გიორგი კვირიკაშვილთან კორუფციულ გარიგებაში ადანაშაულებს

ბათუმის საკრებულოს წევრი ,,ერთიანი ნაციონალური მოძრაობიდან“ ნოდარ დუმბაძე, აჭარის მთავრობის ყოფილ ხელმძღვანელს, ზურაბ პატარაძეს და ბათუმის მერს, ლაშა კომახიძეს საქართველოს ყოფილ პრემიერ-მინისტრთან, გიორგი კვირიკაშვილთან კორუფციულ გარიგებაში ადანაშაულებს.

ნოდარ დუმბაძის ინფორმაციით, ,,ალიანს ჯგუფმა K2” კოეფიციენტის მშენებლობის ნებართვა ზღვისპირა ზოლში უკანონოდ მიიღო.

მისივე თქმით, ,,ალიანს ჯგუფმა” გაზრდილი სართულების მიუხედავად, გადასახადი არ შეიტანა ბიუჯეტში, რაც, მინიმუმ, 4 მილიონ ლარს აღემეტება.

როგორც ნოდარ დუმბაძე ამბობს, კომპანიის ერთ-ერთი დამფუძნებელი ყოფილი მაღალჩინოსნების მეგობარია.

„მას დავალება მისცა გიორგი კვირიკაშვილმა და ყოფილმა შს მინისტრმა, რომ ის ყველანაირი უკანონობა, რომელიც ამ შენობასთან დაკავშირებით მიმდინარეობს, ამაზე მათ ჰქონდათ სიტყვიერი დადასტურება, რომ არავინ არ მოსთხოვდათ პასუხს,“ - განაცხადა ნოდარ დუმბაძემ.

ნინო ექვთიმიშვილი