რეგიონები

ბაკურ გელაშვილი ბორჯომში მიმდინარე პროცესებს გედევან ფოფხაძეს უკავშირებს

ბორჯომის საკრებულოს “ნაციონალური მოძრაობის” წევრი ბაკურ გელაშვილი ბორჯომში მიმდინარე მოვლენებსა და შექმნილ პოლიტიკურ კრიზისს დეპუტატ გედევან ფოფხაძეს უკავშირებს.

„ამ პროცესს ჰყავს ერთი შემოქმედი, ეს გახლავთ გედი ფოფხაძე, რომელიც რუხი კარდინალივით კურირებს აბსოლუტურად ყველა ამ მოვლენებს”, – განაცხადა გელაშვილმა.

ბაკურ გელაშვილის თქმით, ბორჯომში არაფერი კეთდება და ის, რაც გაკეთდა გასულ წელს, უხარისხოა. მისი თქმით, მერიის მუშაობა სწორედ მის მიერ შესრულებულ სამუშაოებში ჩანს.