მოზაიკა

ავსტრალიაში „ქალური“ შუქნიშნები გამოჩნდა

ავსტრალიაში ქალის გამოსახულებიანი შუქნიშნები გამოჩნდა.

-ამის შესახებ Herald Sun წერს.

გამოცემა აღნიშნავს, რომ ექსპერიმენტის ჩატარება ავსტრალიის ვიქტორიას შტატის ხელისუფლებამ გენდერული თანასწორობის ფარგლებში გადაწყვიტა.

ადგილობრივი ხელისუფლების ინფორმაციიით, ექსპერიმენტი ერთი წლის განმავლობაში გაგრძელდება, მისი ჩატარების ადგილად კი, ქალაქი მელბურნი შეირჩა, აქ 10 შუქნიშანი დამონტაჟდა.

გამოცემა აღნიშნავს, რომ სიახლე საზოგადოებაში აქტიური განხილვის საგანი გახდა.

გაზეთის მიერ ჩატარებულმა გამოკითხვამ აჩვენა, რომ გამოკითხულთა 94%-მა განაცხადა, რომ ქვედაბოლოებიანი გამოსახულება, მათში დადებით ემოციას არ იწვევს, თანხა, კი რომელიც ამ ღონისძიებისთვის დაიხარჯა, ჯობდა გაცილებით რაციონელურად ყოფილიყო გამოყენებული.

Herald Sun აღნიშნავს, რომ ასვტრალია პირველი ქვეყანა არ არის, სადაც „ქალური“ შუქნიშნებია დამონტაჟებული. მაგალითად, გერმანიაში არსებობენ მწვანე და ყვითელი გამოსახულებები კაბასა და ნაწნავებში.

მონიკა დავლიანიძე