რეგიონები

ავარიის გამო ცენტრალურ ავტობანზე მოძრაობა შეფერხდა

ცენტრალურ ავტობანზე რამდენიმე წუთის განმავლობაში ავტოსაგზაო მოძრაობა შეფერხდა.

მიზეზი ახალსოფლის ტერიტორიაზე მომხდარი ავტოსაგზაო შემთხვევა იყო.

მსუბუქ ავტომობილს ჯებირზე შეჯახების შემდეგ ცეცხლი გაუჩნდა. წინასწარი ინფორმაციით, შემთხვევა მსხვერპლის გარეშე დასრულდა. ერთი დაშავებული კი სასწრაფო დახმარების ბრიგადამ საავადმყოფოში გადაიყვანა.

მაგისტრალზე ამ დროისათვის გზა უკვე გახსნილია და შეფერხება აღმოფხვრილია. მომხდარზე დაწყებულია გამოძიება.

ნინო ექვთიმიშვილი