რეგიონები

ანაკლიის განვითარების კონსორციუმსა და მეცნიერებათა აკადემიას შორის თანამშრომლობის მემორანდუმი გაფორმდა

საქართველოს მეცნიერებათა აკადემიაში, „ანაკლიის განვითარების კონსორციუმსა” და საქართველოს მეცნიერებათა ეროვნულ აკადემიას შორის ურთიერთთანამშრომლობის მემორანდუმი გაფორმდა.

მემორანდუმს ხელი ანაკლიის განვითარების კონსორციუმის დამფუძნებელმა მამუკა ხაზარაძემ და ეროვნული მეცნიერების აკადემიის პრეზიდენტმა გიორგი კვესიტაძემ მოაწერეს.

აკადემიამ ანაკლიის ღმაწყლოვანი პორტის მშენებლობასა და განვითარებასთან დაკავშირებით თანამშრომლობის სურვილი გამოთქვა. აკადემიის თანამშრომლები კონსორციუმს დასახული მიზნებისა და ამოცანების სრულყოფილად განხორცილებისთვის საკუთარი სამეცნიერო და ტექნოლოგიური პოტენციალის გამოყენებას დაჰპირდნენ.

მხარეები შეთანხმდნენ, რომ ერთობლივი ძალებით შექმნიან სამუშაო ჯგუფს, რომელიც მხარეთა დამატებითი შეთანხმების შესაბამისად იმუშავებს ანაკლიის ღრმაწყლოვან პორტთან დაკავშირებულ საკითხებზე. მხარეები სამუშაო ჯგუფში ერთად შეიმუშავებენ რეკომენდაციებსა და რჩევებს, რომელთაც მომავალ სამუშაო გეგმებსა და მიზნებში გაითვალისწინებენ.