რეგიონები

„ამხილე მახათაძე“ - ზესტაფონში ქალაქის მერის წინააღმდეგ კამპანია დაიწყო

ზესტაფონის მერობის ყოფილმა კანდიდატმა გიორგი გოგლიჩიძემ მოქალაქეებთან ერთად ზესტაფონის მერის კახაბერ მახათაძის საწინააღმდეგო კამპანია - „ამხილე მახათაძე“ დაიწყო.

ამის გამო გოგლიჩიძემ ჭანტურიას ქუჩაზე, ბაზრის მიმდებარე ტერიტორიაზე პლაკატები გააკრა. მისი განმარტებით, აღნიშნულ პლაკატებზე მერის მიერ ბიუჯეტის ფულით შექმნილი კომფორტია ნაჩვენები.

გოგლიჩიძემ მოუწოდა ზესტაფონლებს, არ დაუშვან მახათაძის ჩანაფიქრის განხორციელება, რომელიც ითვალისწინებს სილიკომანგანუმის ნარჩენების მოპოვების მიზნით ჭანტურიას ქუჩის გადათხრას.

„ეს ადამიანი რაც მოვიდა ზესტაფონში, პირად კომფორტზე ზრუნვის მეტი არაფერი გაუკეთებია. მოიწყო საკუთარი კაბინეტი, სადაც 4 000 ლარზე მეტი ღირებულების მაგიდა შეიძინა. ახალ ტენდერია გამოცხადებული 4 100 ლარის ღირებულების კარადის ყიდვაზე. მფარველობს მის გარემოცვას, რომლებიც ქერქულ ნარჩენებს მოიპოვებენ. ახლა აპირებს ჭანტურიას ქუჩის გადათხრას. ზესტაფონში ისედაც რთული მდგომარეობაა ჰაერის დაბინძურებისა და ონკოლოგიური დაავადებების კუთხით და მინდა ვუთხრა მოსახლეობას, რომ გააქტიურდნენ და ნუ შემოუშვებენ სახლებში კახაბერ მახათაძეს სიმსივნის სახით“, – განაცხადა გოგლიჩიძემ.

ზესტაფონის მერიაში ნრალდებები უსაფუძვლო უწოდეს და განაცხადეს, რომ ცილისწამებაზე რეაგირებას მაოხდენენ.