რეგიონები

ამერიკელი მეცნიერები ქართველ კოლეგებს აზიურ ფაროსანასთან ბრძოლის გამოცდილებას გაუზიარებენ

აზიურ ფაროსანასთან დაკავშირებით არსებულ ვითარებას შიდა ქართლისა და სამეგრელოს რეგიონებში აშშ-ის უნივერსიტეტების და კვლევითი ცენტრების მეცნიერები გაეცნენ. ინფორმაცია ამის შსახებ სურსათის ეროვნულმა სააგენტომ გაავრცელა.

უცხოელმა სპეციალისტების შეფასებით, საქართველოს მთავრობის მიერ გატარებული ღონისძიებები დროული იყო. სპეციალისტები მზად არიან აშშ-ს მავნებელთან ბრძოლის მრავალწლიანი გამოცდილება ქართველ კოლეგებსაც გაუზიარონ.

აშშ-ის უნივერსიტეტებისა და კვლევითი ცენტრების წამყვანი მეცნიერები საქართველოში აშშ-ის საერთაშორისო განვითარების სააგენტოს საქართველოს სასოფლო-სამეურნეო წარმოების ეფექტიანობის აღდგენის პროექტის (USAID /REAP) და კომპანია TRECE Inc (აშშ) ორგანიზებით იმყოფებიან.

შეხვედრების გამართვა აჭარაშიც იგეგმება.

6 მარტს ცნობილი გახდა, რომ USAID ფაროსანასთან ბრძოლისათვის საქართველოს 3,5 მილიონ დოლარს გამოუყოფს.

აზიური ფაროსანა დასავლეთ საქართველოში 2015 წელს დაფიქსირდა.

ცირა გურგენიძე