მოზაიკა

აღმოსავლეთ საქართველოში დღეს წვიმას და სეტყვას ვარაუდობენ

საქართველოში 25 მაისისთვის სინოპტიკოსები არამდგრად ამინდს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში დროგამოშვებით ღრუბლიანობა მოიმატებს, თუმცა უმეტესად უნალექოდ. იქროლებს დასავლეთის ქარი 8-13 მეტრი/წამში. ჰაერის მოსალოდნელი ტემპერატურაა: დაბლობში +20, +25; მთაში +17, +22; მაღალ მთაში +11, +16 გრადუსი.

აღმოსავლეთ საქართველოში დროგამოშვებით ღრუბლიანობა მოიმატებს. დღის ბოლოს შესაძლებელია ხანმოკლე წვიმა ელჭექით და სეტყვა. იქროლებს დასავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +22, +27 მთაში +17, +22; მაღალ მთაში +12, +17 გრადუსი.

თბილისში დროგამოშვებით ღრუბლიანობა მოიმატებს. დღის ბოლოს შესაძლებელია ხანმოკლე წვიმა ელჭექით. იქროლებს ჩრდილო-დასავლეთის ქარი 10-15 მეტრი/წამში. ჰაერის მაქსიმალური ტემპერატურა კი, დედაქალაქში +24 გრადუსი იქნება.