რეგიონები

აჭარის 6-ვე საარჩევნო ოლქში `ქართული ოცნება - დემოკრატიული საქართველოს” მაჟორიარობის კანდიდატები ლიდერობენ

აჭარაში განთავსებულ ექვსივე მაჟორიტარულ ოლქში ლიდერობენ ,,ქართული ოცნება - დემოკრატიული საქართველოს’’ მაჟორიტარობის კანდიდატები.

შესაბამისი განცხადება ჟურნალისტებთან, აჭარის ავტონომიური რესპუბლიკის ცენტრალური საარჩევნო კომისიის თავმჯდომარემ, პარმენ ჯალაღონიამ არჩევნების მეორე ტურის შედეგების შეჯამებისას გააკეთა.

,,ამ დროისათვის აჭარის ავტონომიური რესპუბლიკის ტერიტორიაზე განლაგებულ ყველა საარჩევნო უბანზე ხმის თვლის პროცესი დამთავრებულია. ყველა შემაჯამებელი ოქმი უმაღლეს საარჩევნო კომისიის ვებგვერდზე ატვირთულია და ნებისმიერ დაინტერესებულ პირს შეეძლება ნახოს ნებისმიერ დროს.

რაც შეეხება შედეგებს. აჭარაში განთავსებულ ექვსივე მაჟორიტარულ ოლქში ლიდერობენ ,,ქართული ოცნება - დემოკრატიული საქართველოს’’ მაჟორიტარობის კანდიდატები.

ისეთი საჩივრები, რომლებიც მასობრივად გამოიწვევდა უბნების ბათილობას და რომლებსაც შეიძლება ზეგავლენა მოეხდინა არჩევნების შედეგებზე, ასეთი ტიპის საჩივრები არ გვაქვს’’, - განაცხადა პარმენ ჯალაღონიამ.

აჭარის ა.რ. უმაღლესი საბჭოს მაჟორიტარული არჩევნების მეორე ტურის წინასწარ შედეგები კი, აჭარის ცენტრალური საარჩევნო კომისიის ვებ-გვერდზე გამოქვეყნებული ინფორმაციის თანახმად, გამოიყურება შემდეგნაირად:

ბათუმის N68 მაჟორიტარული ოლქი:
"ერთიანი ნაციონალური მოძრაობა” ელგუჯა ბაგრატიონი - 33.37% (5 905 ხმა)
"ქართული ოცნება - დემოკრატიული საქართველო” - ვახტანგ წულაძე 66.63%(11 789 ხმა)
ბათუმის N69 მაჟორიტარული ოლქი:
"ერთიანი ნაციონალური მოძრაობა” - ნინო ჯინჭარაძე - 30.13% (4 580 ხმა)
"ქართული ოცნება - დემოკრატიული საქართველო” - ილია ვერძაძე 69.87% (10 622 ხმა)
ბათუმის N70 მაჟორიტარული ოლქი:
"ერთიანი ნაციონალური მოძრაობა” - გია აბულაძე - 28.79% (4 821 ხმა)
"ქართული ოცნება - დემოკრატიული საქართველო” - ნუგზარ სურმანიძე 71.21% (11 925 ხმა)
ქობულეთის N71 მაჟორიტარული ოლქი:
"ერთიანი ნაციონალური მოძრაობა” - მამული სურმანიძე - 28.49%(5 654 ხმა)
"ქართული ოცნება - დემოკრატიული საქართველო” - გიორგი რომანაძე - 71.51%(14 192 ხმა)
ხელვაჩაურის N72 მაჟორიტარული ოლქი:
"ერთიანი ნაციონალური მოძრაობა” - ქენან კახიძე - 27.81% (5 019 ხმა)
"ქართული ოცნება - დემოკრატიული საქართველო” - მერაბ კარანაძე - 72.19%(13 031 ხმა)
ხულოს N73 მაჟორიტარული ოლქი:
"ერთიანი ნაციონალური მოძრაობა” - ნუგზარ ამაღლობელი 28.56%(6 919 ხმა)
"ქართული ოცნება - დემოკრატიული საქართველო” - ხვიჩა შარაშიძე- 71,44% (17 303 ხმა)

ნინო ექვთიმიშვილი