რეგიონები

აბასთუმნის ტყეში საკმაოდ დიდი დაკვამლიანებაა, არის ღია კერები, სირთულეს მიუვალობა ქმნის - გიორგი მღებრიშვილი

შინაგან საქმეთა მინისტრის გიორგი მღებრიშვილის თქმით, აბასთუმანში უღრანი ტყეა, სადაც ბოლო 10-15 წელი ერთი ხეც არ მოჭრილა.

მინისტრის განმარტებით, გაჩენილი ხანძრის ჩასაქრობად, სპეციალური ტექნიკაა გამოსაძახებელი.

„ადგილზე სულ 100-მდე ადამიანი მუშაობს. გზაში არიან მეხანძრე მაშველებიც. როგორც მეუბნებიან საკმაოდ დიდი დაკვამლიანებაა, არის ღია კერები, ადგილზე დაახლოებით 100 კაცამდე მუშაობს. სირთულეს ქმნის მიუვალობა. აქ პრაქტიკულად უღრანი ტყე არის. როგორც ადგილობრივების ნათქვამიდან ირკვევა, დაახლოებით 10-15 წელია აქ ხეც არ მოჭრილა. ასე რომ სპეცტექნიკაა გამოსაძახებელი სასწრაფოდ და რამენაირად უნდა დავეხმაროთ ამ ხალხს“,-აღნიშნა მინისტრმა.

მონიკა დავლიანიძე