მოზაიკა

99 წლის მოცურავემ მსოფლიო რეკორდი დაამყარა (ვიდეო)

99 წლის ავსტრალიელმა მოცურავემ თავის ასაკობრივ კატეგორიაში რეკორდი დაამყარა.

ქვინსლენდის შტატში გამართულ ღონისძიებაზე, ჯორჯ კორონესმა 50 მეტრის დისტანცია თავისუფალი სტილით ცურვაში 56,12 წამში დაფარა.

ვინაიდან მას აპრილში 100 წელი უსრულდება, კორონესმა საკუთარი ძალები 100-104 წლამდე ასაკობრივ კატეგორიაში მოსინჯა.

შედეგით 99 წლის მოცურავემ 35 წამით გააუმჯობესა 2014 წელს მის მიერვე დამყარებული რეკორდი.

აღსანიშნავია, რომ მოცემულ ასაკობრივ კატეგორიაში ის ერთადერთი მოცურავე იყო. ღონისძიება კი ორგანიზებული იყო, სწორედ იმისთვის, რომ ჯორჯ კორონესს მსოფლიო რეკორდის გაუმჯობესების შანსი მისცემოდა.

ნინო ექვთიმიშვილი