მოზაიკა

9-10 დეკემბერს საქართველოში უმეტესად უნალექო ამინდს ელიან

სინოპტიკოსები საქართველოში 9 და 10 დეკემბრისთვის უმეტესად უნალექო ამინდს პროგნოზირებენ.

გარემოს ეროვნული სააგენტოს ინფორმაციით, ხვალ, 9 დეკემბერს დასავლეთ საქართველოში უმეტესად უნალექო ამინდია მოსალოდნელი. იქროლებს აღმოსავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +11, +16; მთაში +7, +12; მაღალ მთაში +2, +7 გრადუსი.

აღმოსავლეთ საქართველოს ზოგიერთ რაიონში ნალექიანიანი ამინდია ნავარაუდევი, მაღალ მთაში თოვლის სახით. იქროლებს აღმოსავლეთის ქარი 8-13 მეტრი/წამში. ჰაერის ტემპერატურა იქნება: დაბლობში +7, +12; მთაში +5, +10; მაღალ მთაში 0, +5 გრადუსი.

თბილისში შესაძლებელია მცირე წვიმა და ნისლი. იქროლებს სამხრეთ-აღმოსავლეთის ქარი 6-11 მეტრი/წამში. ჰაერის მაქსიმალური ტემპერატურა კი დედაქალაქში +10 გრადუსი იქნება.

ზეგ, 10 დეკემბერს დასავლეთ საქართველოში უმეტესად უნალექო ამინდია მოსალოდნელი. იქროლებს აღმოსავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +13, +18; მთაში +8, +13; მაღალ მთაში +3, +8 გრადუსი.

აღმოსავლეთ საქართველოში უმეტესად უნალექო ამინდია ნავარაუდევი. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +8, +13; მთაში +5, +10; მაღალ მთაში -2, +3 (ზოგან +7-მდე) გრადუსი.

თბილისში უმეტესად უნალექო ამინდია მოსალოდნელი. იქროლებს სამხრეთ-აღმოსავლეთის ქარი 10-15 მეტრი/წამში. ჰაერის მაქსიმალური ტემპერატურა კი დედაქალაქში +10 გრადუსი იქნება.