მოზაიკა

5 და 6 მარტს ზოგიერთ რაიონში ნალექიანი ამინდია მოსალოდნელი

სინოპტიკოსები საქართველოს ზოგიერთ რაიონში 5 და 6 მარტისთვის ნალექს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დღეს, დასავლეთ საქართველოს ზოგიერთ რაიონში წვიმაა მოსალოდნელი, მაღალ მთაში თოვლის სახით. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +10, +15; მთაში +9, +14; მაღალ მთაში +4, +9 გრადუსი.

აღმოსავლეთ საქართველოს ზოგიერთ რაიონში იწვიმებს, მაღალ მთაში კი, მოთოვს. იქროლებს დასავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +10, +15; მთაში +8, +13; მაღალ მთაში +2, +7 გრადუსი.

თბილისში დღეს შესაძლებელია მცირე წვიმა. იქროლებს ჩრდილო-დასავლეთის ქარი 10-15 მეტრი/წამში. ჰაერის მაქსიმალური ტემპერატურა კი, იქნება +13 გრადუსი.

ხვალ, 6 მარტს დასავლეთ საქართველოში უმეტესად უნალექო ამინდია მოსალოდნელი. იქროლებს აღმოსავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +17, +22; მთაში +13, +18; მაღალ მთაში +10, +15 გრადუსი.

აღმოსავლეთ საქართველოში ზოგან წვიმა და ნისლია მოსალოდნელი. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +10, +15; მთაში +9, +14; მაღალ მთაში +5, +10 გრადუსი.

ხვალ, თბილისში დილის საათებში მოსალოდნელია მცირე წვიმა და ნისლი. იქროლებს სამხრეთ-აღმოსავლეთის ქარი 10-15 მეტრი/წამში. ჰაერის მაქსიმალური ტემპერატურა კი, დედაქალაქში +13 გრადუსი იქნება.

ნინო ექვთიმიშვილი