მოზაიკა

25 და 26 ივნისისთვის საქართველოში უმეტესად უნალექო ამინდს ელიან

სინოპტიკოსები 25 და 26 ივნისისთვის საქართველოში უმეტესად უნალექო ამინდს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, ხვალ, 25 ივნისს დასავლეთ საქართველოს ზოგიერთ რაიონში შესაძლებელია ხანმოკლე წვიმა ელჭექით. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +23, +28; მთაში +21, +26; მაღალ მთაში +15, +20 გრადუსი.

აღმოსავლეთ საქართველოს ჩრდილო-მაღალმთიან რაიონებში დღის მეორე ნახევრიდან შესაძლებელია ხანმოკლე წვიმა ელჭექით და სეტყვა. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +27, +32; მთაში +23, +28; მაღალ მთაში +17, +22 გრადუსი.

თბილისში უმეტესად უნალექო ამინდია მოსალოდნელი. იქროლებს ჩრდილო-დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მაქსიმალური ტემპერატურა კი, დედაქალაქში +30 გრადუსი იქნება.

ზეგ, 26 ივნისს დასავლეთ საქართველოში უმეტესად უნალექო ამინდს ელიან. იქროლებს ცვალებადი მიმართულების ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +28, +33; მთაში +26, +31; მაღალ მთაში +22, +27 გრადუსი.

უმეტესად უნალექო ამინდია მოსალოდნელი აღმოსავლეთ საქართველოშიც. იქროლებს ცვალებადი მიმართულების ქარი 10-15 მეტრი/წამში. ჰაერის ტემპერატურა იქნება: დაბლობში +26, +31; მთაში +25, +30; მაღალ მთაში +19, +24 გრადუსი.

თბილისში უმეტესად უნალექო ამინდია მოსალოდნელი. იქროლებს ცვალებადი მიმართულების ქარი 10-15 მეტრი/წამში. ჰაერის მაქსიმალური ტემპერატურა კი დედაქალაქში +30 გრადუსი იქნება.

ნინო ექვთიმიშვილი