რეგიონები

2 გარდაცვლილი და 17 დაშავებული - ავტოსაგზაო შემთხვევა დაბა მანგლისთან

კოდა-წალკა-ნინოწმინდის საავტომობილო გზის 46-ე კილომეტრზე, დაბა მანგლისთან ავტოსაგზაო შემთხვევას მსხვერპლი მოყვა.

როგორც შსს-ში აცხადებენ, გუშინ, წალკიდან კოდის მიმართულებით მიმავალი მიკროავტობუსი გზის სავალი ნაწილიდან გადავიდა და ამობრუნდა.

გარდაიცვალა 2 მგზავრი, ხოლო 17 ადამიანი დაშავდა. დაშავებულები მარნეულისა და თბილისის სამედიცინო დაწესებულებებში არიან გადაყვანილი.

მომხდართან დაკავშირებით გამოძიება სისხლის სამართლის კოდექსის 276-ე მუხლის მე-7 ნაწილით აღიძრა (ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც გამოიწვია ორი ან მეტი ადამიანის სიცოცხლის მოსპობა).

ნინო ექვთიმიშვილი