რეგიონები

12:00-თვის ზუგდიდის საოლქო საარჩევნო კომისიასაში ერთი საჩივარია შესული- ცესკო

12:00-სთვის ზუგდიდის საოლქო საარჩევნო კომისიასა და განმუხურის #38 საარჩევნო უბანზე თითო-თითო საჩივარია შესული.

ამის შესახებ ცესკოში გამართულ საინფორმაციო ბრიფინგზე, ცესკოს სპიკერმა ანა მიქელაძემ განაცხადა.

მისი თქმით, ამ დროისათვის ყველა საარჩევნო უბანზე ხმის მიცემის პროცესი მიმდინარეობს მშვიდ და ყველსათვის ხელმისაწვდომ გარემოში.

„ამ დროისთვის ზუგდიდის საოლქო საარჩევნო კომისიაში ერთი საჩივარია შესული და აღნიშნულ საჩივარში არის მითითებული, რომ ზუგდიდში ერთ-ერთ საარჩევნო უბანზე იმყოფებოდა არასამთავრობო ორგანიზაციის ეგიდით, საკრებულოს ერთ-ერთი წევრი. ინფორმაციის მიღების შემდეგ, საარჩევნო ადმინისტრაციამ დაუყოვნებლივ შეუწყვიტა აღნიშნულ პიროვნებას საარჩევნო უბანზე ყოფნის უფლება.

გარდა ამისა, ზუგდიდის #38 საარჩევნო უბანზე დაიწერა ერთი საჩივარი, სადაც მითითებულია , რომ თითქოს გადასატანი ყუთი, საარჩევნო უბნიდან გავიდა 9:05 წუთზე. აღნიშნული არ წარმოადგენს კანონის დარღვევას, ვინაიდან საარჩევნო კოდექსის მიხედვით, გადასატანი საარჩევნო ყუთი, კენჭისყრის შენობიდან უნდა გავიდეს 09:00 საათიდან ნებისმიერ დროს და დაბრუნდეს საღამოს 19:00-მდე. შესაბამისად აღნიშნული არ წარმოადგენს არანაირ დარღვევას“,-განაცხადა მიქელაძემ.

მონიკა დავლიანიძე