მოზაიკა

11 და 12 თებერვლისთვის საქართველოში ნალექს და ქარის გაძლიერებას ელიან

სინოპტიკოსები საქართველოში 11 და 12 თებერვლისთვის ღრუბლიან ამინდს, ნალექს და ქარის გაძლიერებას პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, ხვალ, 11 თებერვალს დასავლეთ საქართველოში დროგამოშვებით ღრუბლიანობა მოიმატებს. დღის მეორე ნახევარში უმეტეს რაიონში მოსალოდნელია მცირე წვიმა , მაღალ მთაში კი თოვლი. იქროლებს აღმოსავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +12, +17; მთაში +7, +12; მაღალ მთაში +3, +8 გრადუსი.

აღმოსავლეთ საქართველოს უმეტეს რაიონში დღის მეორე ნახევარში ნავარაუდევია მცირე წვიმა და ნისლი, მაღალ მთაში კი, თოვლი და ზოგან ქარბუქი. იქროლებს აღმოსავლეთის ქარი 10-15 მეტრი/წამში, გორი-სურამის მონაკვეთზე ძლიერი 17-22 მეტრი/წამში. ჰაერის ტემპერატურა იქნება: დაბლობში +3, +8; მთაში +3, +8; მაღალ მთაში -2, +3 (ზოგან +6-მდე) გრადუსი.

თბილისში უმეტესად ღრუბლიანი ამინდი იქნება. შესაძლებელია მცირე წვიმა და ნისლი. იქროლებს სამხრეთ-აღმოსავლეთის ქარი 7-12 მეტრი/წამში. ჰაერის მაქსიმალური ტემპერატურა კი, დედაქალაქში +7 გრადუსი იქნება.

ზეგ, 12 თებერვალს დასავლეთ საქართველოში დროგამოშვებით ღრუბლიანობა მოიმატებს. უმეტეს რაიონში მოსალოდნელია მცირე წვიმა, მაღალ მთაში კი თოვლი, ზოგან ძლიერი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +9, +14; მთაში +6, +11; მაღალ მთაში 0, +5 გრადუსი.

აღმოსავლეთ საქართველოს უმეტეს რაიონში დილის საათებში ნავარაუდევია მცირე წვიმა და ნისლი, მაღალ მთაში კი, თოვლი და ზოგან ქარბუქი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +10, +15; მთაში +5, +10; მაღალ მთაში 0, +5 გრადუსი.

თბილისში დილის საათებში მოსალოდნელია მცირე წვიმა. იქროლებს ჩრდილო-დასავლეთის ქარი 10-15 მეტრი/წამში, დროგამოშვებით ძლიერი 17-22 მეტრი/წამში. ჰაერის მაქსიმალური ტემპერატურა კი, დედაქალაქში +14 გრადუსი იქნება.